सा.क्रांतिवीर..स्व.अण्णासाहेब आहेर आश्रमशाळेतील विद्यार्थ्यांचे क्रीडा स्पर्धेत यश.!

नांदगाव-: संतोष कांदे
    तालुक्यातील न्यायडोंगरी येथील लोकनेते स्व.गंगाधर शिवराम आहेर आदिवासी अनुदानित आश्रमशाळेच्या विद्यार्थ्यांनी सटाणा तालुक्यातील हरणबारी (ताराहबाद) येथील प्रकल्पस्तरीय स्पर्धेत घवघवीत यश संपादन केले.
          या क्रिडा स्पर्धामध्ये यंदा कु.सचिन वळवी व कु.ऐलदी वळवी या दोन खेळाडूंनी १४ वर्ष व १९ वर्ष वयोगटात १०० मीटर , २०० मीटर मध्ये सूवर्णपदकांची कमाई केली.तसेच बाकी सहभागी खेळाडूंनी ४०० मीटर ६०० मीटर , १५०० मीटर इ.सर्व प्रकारांत तृतीय क्रमांक राखला.
       नाशिक येथे होणाऱ्या पुढील विभागस्तरीय स्पर्धांसाठी आपला प्रवेश निश्चित केला. विजयी खेळाडूंचे संघ व्यवस्थापक, मुख्याध्यापक व शिक्षक वर्ग तसेच शनैश्वर सेवाभावी संस्था सरचिटणीस तथा माजी आमदार अड.अनिल आहेर यांनी कौतूक करून शुभेच्छा दिल्या.